Logo

रातो बंगलाको दोहोरो जित



काठमाडौं, भदौ ११ गते । रातो बंगलाले ३० औं ज्ञान कार्निभल अन्तरविद्यालय बास्केटबल प्रतियोगितामा सोमबार दोहोरो जित हात पारेको छ । ब्वाइजमा रातो बंगलाले पाठशाला, बानेश्वरलाई ३६—११ ले पराजित गर्‍यो । रातो बंगलाका अक्षित झाले ११ अंक जोडे । गल्र्समा रातो बंगलाले एलआरआईलाई १८—८ ले हरायो । विजयी टिमका लागि नहाना ढंगानाले ९ स्कोर गरिन् ।

गल्र्सको अर्को प्रतिस्पर्धामा पाठशाला, बानेश्वरले रुपिज इन्टरनेसनललाई १८—४ ले पाखा लगायो ।

ब्वाइजको अन्य खेलमा पुष्पसदनले रुपिजलाई २९—८, आइडियल मोडलले मोर्डन इन्डियन स्कुललाई ३३—२२ र एलआरआईले पाठशाला, बागडोललाई ३४—२२ ले पन्छाए । पुष्पसदनका सम्राट लामाले १३, आइडियलका युकिम मगरले ११ र एलआरआईका मन्डी गुरागाईंले १६ स्कोर गरे ।

 

प्रतिक्रिया दिनुहोस्
गाउँबेशी मिडिया प्रा.लि. द्वरा संचालित
संचालक
सम्पादक
विज्ञापनको लागि
ब्यवस्थापक
संवाददाता