चलचित्र देवी को ट्रेलर सार्वजनिक
काठमाण्डौं,भदौ २ । चलचित्र ‘देवी’को ट्रेलर सार्वजनिक भएको छ । आज काठमाण्डौंको बिग मुबिज सिनेमा घर कमलपोखरीमा चलचित्रको ट्रेलर सार्वजनिक गरियो ।
चलचित्रमा नायक नाजिर हुसेन गौरव पहारी र नायिका शिल्पा शाक्यको प्रमुख भूमिका रहेको छ । पछील्लो समय महिलाहरु माथि हुने हिंसा बलात्कार जस्ता घटनाबाट पीडितहरुले सरकारबाट न्याय नपाएको र ती अपराधीहरुलाई प्रहरीले सजाय दिन नसक्दा अद्रिश्य ब्यक्तीले उक्त पिडकलाई हत्या गरीरहेको ट्रेलरमा छर्लङ्ग देख्न सकिन्छ ।
चलचित्रलाई सन्जोग राई ले निर्देशन गरेका छन् । त्यस्तै बिदेशी नागरिक जोयल फ्रुमी एसले छायांकन गरेका छ्न् । देशभर घटेका बिभिन्न प्रकृतिका महिलाहिंसाका बिषयमा न्याय नपाएका घटनाबाट न्यायका लागि आवाज उठाउने प्रयास गरेको नायिका तथा सह-निर्माता शिल्पा शाक्यले भनिन् ।
उक्त कार्यक्रममा नायक नाजिर,निर्देशक सन्जोग राई चलचित्र राम्रो बनेको र सबै दर्शकहरुले मन पराउनेमा आशावादी रहेको बताए ।
चलचित्र भदौ २१ गते देखी देशभरका सिनेमा घरमा प्रदर्शनमा आउने छ ।
