काठमाडौँ उपत्यकालगायत देशका विभिन्न स्थानमा भारी वर्षा

मनसुन थप सक्रिय भएसँगै काठमाडौँ उपत्यकालगायत देशका विभिन्न स्थानमा भारी वर्षा भइरहेको छ । मौसम पूर्वानुमान महाशाखाका अनुसार आज सातै प्रदेशमा भारी वर्षा हुनेछ । कोशी, बागमती, गण्डकी र लुम्बिनी प्रदेशका एक–दुई  स्थानमा धेरै भारी वर्षाको पनि सम्भावना रहेकोले सतर्कता अपनाउन समेत महाशाखाले अनुरोध गरेको छ ।

काठमाडौँ उपत्यकामा बिहानैदेखि भारी वर्षा भइरहेको छ । जसकारण विद्यालय जाने विद्यार्थी तथा कार्यालय जानेहरू प्रभावित भएका छन् ।