कप्तान राशिद खानले बनाए विश्व कीर्तिमान
अमेरिका, असार १२ । अफगानिस्तानका कप्तान राशिद खान एक ठूला खेलका खेलाडी हुन् भन्ने मंगलबार टी–२० विश्वकप २०२४ को सुपर–८ राउन्डको अन्तिम खेलमा यसलाई राम्रोसँग प्रमाणित गरे ।
बंगलादेशविरुद्धको महत्वपूर्ण खेलमा राशिद खानले चार ओभरमा २३ रन दिएर चार विकेट लिएका थिए । योसँगै अफगानिस्तान पहिलोपटक टी–२० विश्वकपको सेमिफाइनलमा प्रवेश गरेको छ ।
यस क्रममा राशिद खानले आफ्नो नाममा विश्व कीर्तिमान बनाएका छन् । अफगानिस्तानका लेग स्पिनर टी–२० अन्तर्राष्ट्रिय क्रिकेटमा सबैभन्दा छिटो १५० विकेट लिने बलर बनेका छन् ।
राशिद खानले आफ्नो टी–२० अन्तर्राष्ट्रिय करियरको ९२औं खेलमा १५० विकेटको आँकडा पार गरे । उनले ११८ खेलमा १५० विकेट लिने न्युजिल्यान्डका दिग्गज फास्ट बलर टिम साउथीको कीर्तिमान तोडे ।
यस बाहेक राशिद खानले १५० विकेट पूरा गरेर बंगलादेशका अनुभवी अलराउन्डर शकिब अल हसनलाई पनि पछि पारेका छन् । रासिद खान टी–२० अन्तर्राष्ट्रिय क्रिकेटमा सर्वाधिक विकेट लिने दोस्रो स्थानमा पुगेका छन् ।
टी–२० अन्तर्राष्ट्रिय क्रिकेटमा सर्वाधिक विकेट लिने कीर्तिमान अहिले पनि टिम साउथीको नाममा छ । शाकिब अल हसन १४९ विकेट लिएर तेस्रो स्थानमा झरेका छन् ।
टी–२० अन्तर्राष्ट्रियमा सर्वाधिक विकेटः
१६४ – टिम साउथी (१२३ इनिङ्स)
१५० – राशिद खान (९२ इनिङ्स)
१४९ (शकिब अल हसन (१२६ इनिङ्स)
१३८ – इश सोधी (११२ इनिङ्स)
