प्रधानमन्त्री दाहाल र भारतीय प्रधानमन्त्री नरेन्द्र मोदीबीच भेटवार्ता
दिल्ली,जेठ २८ । भारतको औपचारिक भ्रमणमा रहनुभएका सम्माननीय प्रधानमन्त्री श्री पुष्पकमल दाहाल ‘प्रचण्ड’ र भारतीय समकक्षी श्री नरेन्द्र मोदीबीच भेटवार्ता भएको छ ।
आइतबार बेलुका भएको भेटमा सम्माननीय प्रधानमन्त्रीले लगातार तेश्रो कार्यकालका लागि भारतको प्रधानमन्त्रीको पदभार ग्रहण गर्नुभएकोमा समकक्षी मोदीलाई बधाइ दिँदै उहाँको तेश्रो कार्यकालमा नेपाल र भारतबीचको सम्बन्ध थप उचाइँमा पुग्ने विश्वास व्यक्त गर्नुभयो ।
उहाँहरूबीच नेपाल–भारतबीच रहीआएको आपसी सम्बन्ध र द्विपक्षीय हितका विविध विषयमा छलफल भएको थियो । सो अवसरमा उहाँहरूबीच विगतमा भएका समझदारी एवं सम्झौताहरूको कार्यान्वयनका बारेमा छलफल भएको थियो ।
त्यसअघि सम्माननीय प्रधानमन्त्री अन्य विभिन्न मुलुकका राष्ट्रप्रमुख तथा सरकार प्रमुखहरूसँगै भारतीय प्रधानमन्त्रीको सपथ ग्रहण समारोहमा सरिक हुनुभएको थियो ।
त्यसैगरी सपथ ग्रहण समारोहमा पाल्नुभएका राष्ट्रप्रमुख तथा सरकार प्रमुखहरूको सम्मानमा भारतीय राष्ट्रपति द्रौपदी मुर्मुले आयोजना गर्नुभएको रात्रीभोजमा पनि सम्माननीय प्रधानमन्त्री सरिक हुनुभयो।
