पारा ओलम्पिकको नेतृत्वमा सूर्यकुमारी
काठमाडौं, जेठ १७ गते । नेपाल पारा ओलम्पिक कमिटीको साधारण सभाले सूर्यकुमारी गुरुङको अध्यक्षतामा १५ सदस्यीय केन्द्रीय कार्यसमिति चयन गरेको छ ।
केन्द्रीय कार्यसमितिको वरिष्ठ उपाध्यक्षमा गोमादेवी पौडेल, उपाध्यक्षमा उपेन्द्र श्रेष्ठ र देवी आचार्य, महासचिवमा प्रकाश चिलुवाल, सचिवमा भरतबहादुर कार्की र कोषाध्यक्षमा ढुण्डीराज चालिसे रहेका छन् ।
कमला दाहाल, विरुकमल श्रेष्ठ, डिल्लीबहादुर विष्ट, शोभा विष्ट, रविन्द्र खत्री, समिताकुमारी दुलाल र नहेन्द्र निरौला सदस्यमा चयन भए । अघिल्लो कार्यसमितिका अध्यक्ष दिपक कोइरालालाई मानार्थ अध्यक्षमा चयन गरेको छ ।
