बलर्स एकेडेमी क्वाटरफाइनलमा
काठमाण्डौं,जेठ १७ । बलर्स एकेडेमी एस कप प्लस टु थ्री बाइ थ्री बास्केटबल प्रतियोगिताको गल्र्समा बुधबार क्वाटरफाइनलमा प्रवेश गरेको छ । बलर्ससहित ड्रिम अन, टिम दिब्य, जेभियर इन्टरनेसनल, आईएसए, इन्साइट भिजन, रेबिट बलर्स र टिम ग्याबा पनि क्वाटरफाइनलमा पुगे ।
ब्वाइजमा पीएलएक्स, टिम दिब्य, टिम गैडा रिन्चेन, टिम निरज, ग्रिनफिल्ड, केसीएसएस, काभ्रे बास्केटबल, टाइम्स ‘ए’, इम्ली ग्याङ, रातो बंगला, एडुक्रोप र इन्साइट भिजन प्रिक्वाटरफाइनलमा पुग्न सफल भए ।
प्रतियोगिताको ब्वाइजमा ३२ तथा गल्र्समा १२ गरी ४४ टिमको सहभागी छन् । दुवै समूहको विजेताले १५ हजार र उपविजेताले १० हजार नगद पुरस्कार पाउने छन् । ‘मोस्ट भेलुएबल प्लेयर’ लाई गिफ्ट भौचर प्रदान गरिने छ । फाइनल शुक्रबार हुनेछ ।
