अब सुगर र प्रेसर नियन्त्रण गर्न यी कुरा खाने गर्नुहोस्
काठमाण्डौं,जेठ २७ । परापूर्वकालदेखिनै पुस्ताले मरिच खाने गर्नुहुन्थ्यो । अहिले हामीले यस्ता कुराहरु छोड्दै गएका छौं । हामी स्वस्थ हुनका लागि स्वस्थ खाने कुराहरु खानुपर्दछ । आज हामी मसलाहरुको राजा भनेर चिनिने कालो मरिचसम्बन्धी केही सूचनामूलक सामाग्री सेयर गर्दैछौं ।
कालो मरिचलाई अङग्रेजीमा ब्लयाक–पेपर पनि भन्ने गरिन्छ । यस मरिचले विषेशगरी हामीले खाँदाखेरि आन्द्रामा, मुटु, सुगर, कोलस्ट्रोल जस्ता रोगहरुमा विभिन्न किसिमको असर पुर्याएको हुन्छ ।
हामीले कतिपय अवस्थामा मरिचको चिया पिउने गर्छौं । मरिच सब्जीमा मसलाको रुपमा पनि प्रयोग गर्ने गरिन्छ । कसैको पेट दुखिरहने, पेटमा गाह«ो हुने र कब्जियत हुने जस्ता समस्याबाट गुज्रिरहेको अवस्थाहरु हुन्छन, ती समस्यालाई केही हदसम्म कम गर्नका निमित्त मरिच खान सकिन्छ । यसले पेट सफा गर्ने काम पनि गर्दछ ।
मरिचले हाम्रो रगतमा भएको सुगर र कोलस्टोरल कम गर्न पनि सहयोग गर्दछ । त्यसैले सुगर र कोलस्ट्रोल रोगीहरुका लागि मरिच एउटा राम्रो औषधी नै मानिन्छ । मुटुको स्वास्थ्य पनि ठिक गर्ने भएकाले मरिचलाई दैनिक रूपमा सेवन गर्न सकिन्छ ।
यसले छालामा हुने चाउरिपनलाई कम गर्ने र छालालाई चम्किलो बनाउन मद्दत गर्दछ । मरिच कपालको स्वास्थ्यको लागि पनि महत्वपूर्ण मसलाको रूपमा लिइएको छ । मरिच विभिन्न किसिमको मानसिक रोगहरु विषेशगरि चिन्ताजनक डिप्रेसनजस्ता रोगहरुका लागि पनि फाईदाजनक मानिन्छ ।
