प्रतिनिधिसभाको बैठक बस्दै
काठमाडौं, जेठ ३२। संघिय संसद अन्तर्गत प्रतिनिधिसभाको बैठक आज पनि बस्दैछ । अहिले बिहान ११ बजे संसद् भवन नयाँ बानेश्वरमा बस्ने बैठकमा विनियोजन विधेयकमाथि छलफल हुँदैछ ।
बैठकमा वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय र सहरी विकास मन्त्रालयका विभिन्न शीर्षकमाथि छलफल हुने संसद् सचिवालयले जानकारी दिएको छ ।
यी मन्त्रालयका विभिन्न शीर्षकमाथि सांसद्हरुले खर्च कटौतीको प्रस्ताव प्रस्तुत गर्ने आजको सम्भावित कार्यसूचीमा उल्लेख छ ।
