कालीकोटबाट सुर्खेत आउँदै गरेको बस दैलेखमा दुर्घटना ४ को निधन

काठमाडौं । दैलेखमा बस दुर्घटना भएको छ । कालीकोटबाट सुर्खेत आउँदै गरेको म २ ख १६६० नम्बरको बस आठबीस नगरपालिकास्थित सिस्नेमा दुर्घटना भएको हो ।

बस दुर्घटनामा केहीको हताहती भएको निर्वतमान मेयर खड्गराज उपाध्यायले जानकारी दिए । उनका अनुसार घटनास्थलमा ४ जना अचेत अवस्थामा भेटिएका छन् ।बस यात्रुले खचाखच भरिएको छ ।

बस दुर्घटनाको खबर पाएपछि प्रहरी टोली घटनास्थलमा जाँदै गरेको जिल्ला प्रहरी कार्यालय दैलेखका प्रमुख, डीएसपी भुबनेश्वर प्रसाद साहले बताए ।
बस सडकबाट करिब ५० मिटर तल खसेको छ । थप विवरण आउन बाँकी छ