पुर्व राजपरिवारमा संक्रमितको संख्या बढ्यो, पूर्वअधिराजकुमारी प्रेरणा पनि संक्रमित !

काठमाडौ ।पुर्व राजपरिवारमा कोरोना संक्रमित हुनेको संख्या थपिएको छ । स्वास्थ्यमा समस्या आएपछि पूर्वराजा ज्ञानेन्द्र शाह दम्पती अस्पताल भर्ना गरिएको छ ।

र्वअधिराजकुमारी प्रेरणा राज्यलक्ष्मी सिंहलाई पनि कोरोना पुष्टि भएको छ। कोरोना पुष्टि भएसँगै उनीलाई पनि थापाथलीस्थिति नर्भिक अस्पतालमा भर्ना गरिएको छ।

पूर्वराजा ज्ञानेद्र शाह, पूर्वरानी र प्रेरणासँगै अस्पताल भर्ना भएका हुन्। भारतवाट फर्किएका उनीहरुलाई कोरोना पुष्टि भएको थियो ।

कोरोना पुष्टि पछि घरमै आइसोलेसनमा बसेका उनीहरुलाई स्वास्थ्यमा समस्या देखिएपछि अस्पताल भर्ना गरिएको हो । परिवारका अन्य सदस्यलाई पनि गरिएको परिक्षणका क्रममा प्रेरणालाई पनि कोरोना पुष्टि भएको हो ।

पूर्वराजा रानीलाई स्वास्थ्यमा समस्या भएर अस्पताल भर्ना गरिदा प्रेरणा पनि अस्पतामा भर्ना छन् ।

भारतको कुम्भ भेलामा सहभागी भएर आएका ज्ञानेन्द्र शाह र कोमल शाहलाई कोरोना देखिएको थियो। कोरोना पुष्टिपछि निर्मल निवासमै आइसोलेसनमा रहेका शाह दम्पतीको स्वास्थ्यमा समस्या देखिन थालेपछि आज दिउँसो १ बजे थापाथलीस्थित नर्भिक अस्पतालमा भर्ना गरिएको हो।

अस्पतालमा सहज हुने भएकाले पूर्व राजा र रानी र पूर्वअधिराजकुमारी प्रेरणालाई पनि नर्भिक अस्पताल भर्ना गरिएको संवाद सचिव फणि पाठकले बताए। शाह दम्पतीलाई बैशाख ७ गते कोरोना पुष्टि भएको थियो भने प्रेरणालाई शनिवार कोरोना पुष्टि भएको हो ।
अर्को समाचार

स्वास्थ्य तथा जनसंख्या मन्त्रालयले कोरोनाको रोकथाम र नियन्त्रणका लागि ‘मोबिलिटी रेस्ट्रिक्सन’ (आवातजावतमा कडाइ)मा जोड दिएको छ । नेपालमा कोरोनाको दोस्रो लहर बढ्दै गर्दा मन्त्रालयले संक्रमण नियन्त्रण र रोकथामका लागि ‘मोबिलिटी रेस्ट्रिक्सनमा जोड दिएको हो ।

विभिन्न नाममा भिडभाड हुने तथा स्वास्थ्य मापदण्ड पालनामा समेत लापरबाही भइरहेको सन्दर्भमा मोबिलिटी रेस्ट्रिक्सन उपयुक्त विकल्प हुने स्वास्थ्य मन्त्रालयका प्रवक्ता जागेश्वर गौतमले जानकारी दिए ।

उनका अनुसार मन्त्रालय विगत १ महिनादेखि नै सो मोडलको पक्षमा रहेको छ भने सोही अनुसार गर्न कोभिड–१९ संकट व्यवस्थापन केन्द्रलाई पनि सुझाइएको थियो । जसमा ५ जना भन्दा बढी भिडभाड नगर्ने, स्वास्थ्य मापदण्ड पालना गर्ने, सीमा र नाकाहरुमा कडाइ गर्नेजस्ता विषय समेटिएका थिए ।

मन्त्रालयले कोरोनाको सम्भावित फैलावटलाई रोक्न समयमै सीसीएमसीलाई सिफारिस गरेपनि निर्णयमा ढिलाइ गएको गौतमले गुनासो गरे ।

‘विद्यालय समयमै बन्द गर्नुपर्ने थियो, भीडभाड हुने ठाउँमा समयमा सजक हुनुपर्ने थियो’, उनको भनाइ छ, ‘अहिले संक्रमण फैलिँदै गएको छ, समयमा मोबिलिटी रेस्ट्रिक्सन भइदिएको भए केही सहज हुन्थ्यो कि ।’