करणले कार्तिकलाई फिल्मबाट निकाले, इन्स्टाग्राममा गरे ‘अनफलो’

एजेन्सी । बलिउड निर्देशक करण जौहरको फिल्म ‘दोस्ताना २’ निर्माणको तयारी भइरहेको छ ।
एक रिपोर्टका अनुसार अभिनेता कार्तिक आर्यनलाई करणले उक्त फिल्मबाट निकालेका छन् । उनको सट्टामा अर्को अभिनेतालाई राखिएको छ । आफ्नो प्रोजेक्टबाट बाहिर निकालेपछि करणले सामाजिक सञ्जाल इन्स्टाग्राममा ‘अनफलो’ समेत गरेका छन् ।

रिपोर्टका अनुसार कार्तिकले उक्त फिल्मको २० दिनसम्म शुटिङ गरेका थिए । तर, कार्तिकलाई दोस्रो भागको कथाबस्तु मन परेको थिएन । उनलाई फिल्मको कथा मन नपरेको भन्दै करणले उनलाई हटाएको बताइएको छ ।

करण जौहरले धर्मा प्रोडक्सनको तर्फबाट ‘दोस्ताना २’ को री–कास्टिङलाई लिएर एक आधिकारिक बयान दिएका छन् । बयानका अनुसार ‘व्यवसायिक हिसाबले हामी कोलिन डि को निर्देशनमा बनिरहेको फिल्म दोस्ताना २ को री कास्टिङ गरिनेछ । औपचारिक सूचनाको प्रतिक्षा गर्नुहोस् ।’

अर्को समाचार

‘मेरी बास्सै’को चर्चित पात्र ‘इकु’ फेरि सानो पर्दा ९टेलिभिजनमा० फर्किएको छ । हास्यश्रृंखला ‘हल्का रमाइलो’ मार्फत ‘इकु’ फेरि सानो पर्दामा फर्किएको हो । ‘इकु’ लाई सानो पर्दामा फर्काउने काम श्रंखला निर्देशक मरिचमान श्रेष्ठ र राजु पौडेलले गरेका हुन् । श्रृंखलामा केही भेराइटी दिन ‘इकु’ पात्र श्रृंखलामा समेटिएको निर्देशक श्रेष्ठले बताए ।

‘इकु’को भूमिका सुलेमान शंकरले नै निर्वाह गरेका छन् । यस अगाडि पनि यो भूमिकामा उनी नै देखिँदै आएका छन् । ‘मेरी मास्सै’ पछि उनले ‘इकु’ लाई चलचित्रमार्फत समेत प्रस्तुत गरेका थिए । सुलेमानले पुन ‘इकु’ को भूमिकामार्फत फेरि टेलिभिजनको पर्दामा देखिन पाउँदा निकै खुसी लागेको सुलेमानले बताए । ‘फेरि एक पटक ‘इकु’ टेलिभिजनको पर्दामा हेर्न पाए हुन्थ्यो भनेर देश विदेशका कार्यक्रममा जाँदा दर्शकले सँधै भन्नुहुन्थ्यो’ सुलेमानले भने, ‘दर्शकको चाहनाअनुसार अहिले फर्काइएको हो ।’

।