बालुवाको ढिस्कोमा पुरिँदा १३ वर्षीया बालिकासहित दुई जनाको निधन
बालुवा खानीमा काम गर्ने मजदुर सहित बालिकाको बालुवाको ढिस्कोले पुरीएर निधन भएको छ । पाल्पामा बालुवाको ढिस्कोमा पुरिँदा एक बालिकासहित दुई जनाको निधन भएको छ।
पाल्पाको पूर्वखोला गाउँपालिका९ ४ छेबकुनमा रहेको बालुवा खानीमा काम गर्नेहरु ढिस्कोमा पुरीएका हुन् । शनिबार साँझ बालुवा निकाल्ने क्रममा अचानक ढिस्को खसेर उनीहरुलाई पुरेको प्रहरीले जनाएको छ।
घटनामा स्थानीय १३ वर्षीया पवित्रा सारु र ३६ वर्षीया मायादेवी सिंहको मृत्यु भएको जिल्ला प्रहरी कार्यालय पाल्पाले जनाएको छ।
बालुवाको ढिस्कोमा पुरिएकी बालिकाको घटनास्थमै र सिंहको उपचारका लागि अस्पताल लैजाने क्रममा बाटोमै निधन भएको हो। घटनाको सम्बन्धमा थप अनुसन्धान भइरहेको प्रहरीले जनाएको छ।
