मोरङ र सुनसरीमा भएका दुर्घटनामा दुई जनाको निधन
काठमाडौँ । मोरङ र सुनसरीमा भएका दुर्घटनामा दुई जनाको निधन भएको छ ।
मोरङको सुनवर्षी नगरपालिका–४ स्थित बटरबारी सडक खण्डमा बिहीबार राति भएको ट्याक्टर दुर्घटनामा चालक सुनवर्षी–४ का २३ वर्षीय मिथिलेश यादवको निधन भएको छ ।
दुर्घटनामा परेर गम्भीर घाइते भएका उनको उपचारका क्रममा रंगेली अस्पतालमा राति साढे १० बजेतिरनिधन भएको प्रहरीले जनाएको छ ।
को १ त ३६७० नम्बरको खाली ट्याक्टर आफै अनियन्त्रित भएर दुर्घटना भएको प्रहरीले जनाएको छ ।
सुनसरीको धरान उपमहानगरपालिका–४ मा दुर्घटनामा परेर सह–चालकको निधन भएको छ ।
आज बिहान भएको दुर्घटनामा ट्रकका सह–चालक ३० वर्षीय विशाल खड्काको घटनास्थलमै निधनभएको प्रहरीले जनाएको छ । उनको ठेगाना खुलेको छैन ।
ना ६ ख ६५५१ नम्बरको ट्रक ब्रेक फेल भएर बिहान ४ बजेतिर दुर्घटनामा परेको हो ।
