ओली समूहमा प्रवेश गरे जसपा नेता यादव, ओलीले गरे स्वागत
काठमाडौँ । जनता समाजवादी पार्टी ९जसपा०का नेता शिवजी यादव केपी शर्मा ओली नेतृत्वको नेकपामा प्रवेश गरेका छन् । पूर्वसांसद समेत रहेका नेता यादवलाई प्रधानमन्त्री ओलीले मंगलबार पार्टीमा स्वागत गरेका हुन् ।
जनतामा जाने ओलीको निर्णयलाई समर्थन गर्दै आफू उहाँसँग गएको यादवले बताए । मुलुकलाई अस्थिरतामा धकेल्ने खेल भइरहेको छ। जनतामा जाने निर्णयलाई समर्थन गर्दै म नेकपामा आवद्ध भएको हो।मलाई पार्टीले जुन जिम्मावारी दिन्छ, त्यसमै रहेर काम गर्छु।
म पहिला पनि एमालेमै थिएँ,’ यादवले भने । महोत्तरीका यादव दोश्रो संविधान सभामा तत्कालीन समाजवादी फोरमका सांसद रहेका थिए । २०६३ को मधेस आन्दोलनपछि उनि मधेसी जन अधिकार फोरममा आवद्ध भएका थिए । एमालेमा रहँदा उनि वुद्धिजिवी र प्रवास कमिटीमा रहेका थिए ।
