ताजा समाचार

बैसाखमा हुने निर्वाचनमा परिचालन गर्न एक लाख म्यादी प्रहरीका लागि आवेदन खुल्ने

सरकारले आगामी निर्वाचनका लागि एक लाख म्यादी प्रहरी परिचालन गर्ने भएको छ । प्रतिनिधिसभा विघटनपछि घोषित मध्यावधि निर्वाचनका लागि नेपाल प्रहरीले म्यादी प्रहरीमा भर्ना खोल्ने तयारी समेत गरेको छ ।

सरकारले आगामी १७ र २७ वैशाखका लागि निर्वाचनको मिति तय गरिसकेको छ ।

यसैका लागि प्रहरीले करिब १ लाखको संख्यामा नबढ्ने गरी म्यादी प्रहरीका लागि भर्ना खोल्ने तयारी गरेको हो । त्यसका लागि प्रहरीले बजेटको मागसहितको सुरक्षा योजनाको प्रारम्भिक खाका बनाइसकेको छ ।

प्रहरी प्रधान कार्यालयका अनुसार मतदान केन्द्र र मतदान स्थलको सुरक्षाका लागि म्यादी प्रहरीको आवश्यक पर्छ ।

आवश्यक संख्या र त्यसका लागि आवश्यक पर्ने बजेटको व्यवस्थापनसहित सुरक्षा योजनालगायतका प्राविधिक विषयमा खाका बनाएको हो ।

सो विषयमा प्रहरी प्रधान कार्यालयले अर्थ मन्त्रालय र निर्वाचन आयोगसँग समेत आवश्यक समन्वयको काम गरिरहेको छसमाचार आजको राजधानी दैनिकमा महेश्वर गौतमले लेखेका छन् ।

Leave a Reply

Your email address will not be published. Required fields are marked *