खोप नलगाएका नेपाली कसरी जाने युएई ? यस्तो छ नयाँ नियम
काठमाडौं । संयुक्त अरब इमिरेट्स ९युएई० ले खोप लगाएका नेपालीलाई प्रवेश खुला गरेसंगै वैदेशिक रोजगारीको लागि टिकट लिएर बसेकाहरुले सन्तोषको सास फेरेका छन् । प्रवेश बन्द गरेका कारण वैदेशिक रोजगारीमा जान ठिक्क परेर बसेकाहरुको रोजगारी गुम्ने खतरा बढेको थियो । युएईले विहिवारदेखि लागू हुने गरी प्रवेश खुला गरेको आबुधावीस्थित नेपाली दूतावासले जनाएको छ ।
त्यस्तै युएईको भिसा भएका तर खोप नलगाएका व्यक्तिलाई ४८ घण्टाको पिसिआर नेगेटिभ रिपोर्ट अनिवार्य गरिएको छ । युएइको सरकारी निकायमा कार्यरत व्यक्ति, युएइमा कार्यरत स्वास्थ्यकर्मी, युएइका विद्यालय तथा विश्वविद्यालयका शिक्षक, युएइमा उपचार चलिरहेका व्यक्ति, विशेष मानवीय परिस्थिति भएका व्यक्तिले प्रवेश पाउनेछन् ।
उनीहरूले युएई सरकारको अनुमति भने लिनुपर्नेछ । त्यसरी युएई प्रवेश गर्नेका व्यक्तिको हकमा नेपालको विमानस्थलमा र्यापिड टेस्ट हुने, युएईका विमानस्थलमा अवतरण भएपछि पिसिआर परीक्षण हुने, क्वारेन्टिनलगायतका अन्य स्वास्थ्य प्रोटोकलको पालना गर्नुपर्ने दूतावासले जनाएको छ ।९
