सामाजिक सञ्जालमा विजय शाहीको मृत्युको झुटो हल्ला, प्रहरीले खोज्दा कहाँ फेला पार्यो ?
काठमाडौ । मंगलवार केही सामाजिक सञ्जालमा विजय शाहीको मृत्यु भएको भन्दै तस्बिर राखेर श्रद्धाञ्जली दिन थालेपछि प्रहरीले उनको खोजी गर्यो । उनी सामाजिक सञ्जालमा चर्चामा आएका थिए । मेमोरी पावरका कारण चर्चामा रहेको भनिएका विजय शाहीले गलत दावी गरेको कुरा आएसंगै उनको तिब्र विरोध सुरु भएको थियो ।
त्यसैको रिसमा केही सामाजिक सञ्जाल प्रयोगकर्ताहरुले उनको मृत्यु भएको खबर सामाजिक सञ्जाल भरी फैलाए । प्रहरीले त्यस्तो गलत कुरा सार्वजनिक गर्ने ब्यक्तिको पनि खोजी थालेको छ । विजय शाही भने कालिकोटमा भेटिएका छन् ।
कालिकोटका प्रहरी प्रमुख डीएसपी चक्रबहादुर शाहले उनी आफ्नो घरमा रहेको कुरा प्रमाणीत भएको बताएका छन् । तर उनी अस्वस्थ्य भने छन् । शाही निकट व्यक्तिहरुले नै उनको मृत्यु भएको भन्दै सामग्री पोष्ट गरेपछि भ्रम फैलिएको थियो । प्रहरीले त्यसको पनि खोजी थालेको छ ।
आफूलाई चर्चामा ल्याउन उनले ‘मेमोरी किङ’ भएको दाबी गर्ने गरेका थिए । तर उनी झुठो भएको सार्वजनिक भएसँगै शाही काठमाडौंबाट कालिकोट लागेका थिए ।
