आइतबार सुर्यदेवलाई खुसी पार्न गर्नुहोस् यस्ता ८ काम, पुरा हुनेछ मनोकामना

काठमाडौ । हिन्दु धर्ममा हरेक बारको आफ्नै महत्व हुन्छ । हरेक बारमा फरक भगवानलाई विशेष रुपमा पुजा अर्चना र व्रत गरिन्छ । आइतबार सूर्य देवको विशेष बारको रुपमा मानिन्छ । यस दिन केहि सरल उपाय मार्फत सूर्य देवलाई प्रसन्न गर्न सकिन्छ । जसले मानिसको जिवनमा सकारात्मक उर्जा प्राप्त हुन्छ र उसले इच्छा गरेका मनोकामना पुरा हुन्छन् । हिन्दु धर्ममा राखिने कतिपय धार्मीक मान्यता वैज्ञानिक पनि छन् । विस्तारै यि कुरा प्रमाणीत हुँदै आएको छ ।

हिन्दु धर्ममा सूर्यलाई प्रत्यक्ष देव भनिन्छ । सूर्यको किरणले पृथ्वी प्रकाशमय हुने भएकाले यसलाई जीवनको आधार समेत मानिन्छ । धर्ममा देवता हुनका साथै ज्योतिष मान्यतामा सूर्य ग्रह पनि हो । यसलाई नौ ग्रह मध्ये सबैभन्दा महत्वपूर्ण मानिन्छ । त्यसैले कुण्डलीमा सूर्यको स्थिति कमजोर भए मान–सम्मान र सुख–समृद्धिमा कमी हुने मान्यता छ । सूर्यको स्थिति बलियो पार्न र सुर्य देवलाई प्रसन्न पार्न आइतबार पूजा र केहि उपाय अपनाउनु पर्दछ ।

१। हरेक नित्य बिहान सबेरै उठेर स्नान गरी सूर्य देवलाई जल अर्पण ९अर्घ० गर्नु पर्दछ ।
२। यो कार्य साताभरी सम्भव नभए पनि आइतबार भने गर्नुपर्ने मान्यता छ ।
३। उदाउँदो सुर्यलाई जल अर्पण गर्दा यसमा सख्खर मिसाएर अर्घ दिनु शुभ मानिन्छ ।
४। सूर्य देवलाई रातो रंग मनपर्ने भएकाले जलमा एक चिम्टि कुमकुम मिसाउन सकिन्छ ।

५। आइतबार जल अर्पण गर्दा रातो फूल पनि सूर्य देवलाई अर्पित गर्नु पर्दछ ।
६। रातो फुल र कुमकुम हालेका जल बरको रुखमा चढाए सूर्य देव प्रसन्न हुने मान्यता छ ।
७। आइतबार आदित्य हृदय स्तोत्रको पाठ गर्न अत्यन्त प्रभावशाली मानिन्छ ।
८। कुण्डलीमा सुर्य मजबुत पार्न आइतबार सुर्य देवको नुन नखाई व्रत बस्नु पर्दछ ।