श्री पाथिभरा माताको दर्शन गरि साउनको पहिलो सोमबार कस्तो रहला तपाईको भाग्यरु साउन ४ गतेको राशिफल हेर्नुहोस्

मेष – खर्च लागे पनि अहिलेको मेहनतले पछिलाई फाइदा हुनेछ । प्रतिस्पर्धामा उत्रनुपरे पनि आफ्नो स्थान सबल बनाउन सकिनेछ । रोकिएका काममा दोहोर्याएर प्रयत्न गर्नुहोला । पहिलेका प्रतिस्पर्धीले समेत सहयोग तथा सहकार्यका हात अघि बढाउनेछन् । व्यवसायमा लगानी बढाउनुपर्ने स्थिति आउन सक्छ। तत्कालको फाइदाभन्दा भविष्यको मुनाफा उच्च हुने देखिन्छ ।

बृष – मेहनत गर्दा आम्दानीका नयाँ स्रोत फेला पर्नेछन् । श्रमको उचित मूल्यांकन हुनेछ भने गरेका कामबाट मनग्य लाभ हुनेछ । मनग्य धनलाभ हुनुका साथै ऋणमोचन हुने समय छ । पछिसम्म लाभ हुने काम प्रारम्भ गर्ने समय छ । भौतिक साधनसमेत जुट्नाले दिगो योजना प्रारम्भ हुन सक्छ । साझेदारीमा राम्रो फाइदा हुनेछ । मेहनत गर्दा जीवनशैलीमा परिवर्तन आउनेछ ।

मिथुन – अवसरका लागि विवादास्पद जिम्मेवारी वहन गर्नुपर्ला । कामको सन्दर्भमा शक्तिशाली व्यक्तिहरूसँग प्रतिस्पर्धा हुन सक्छ । पुरुषार्थी कामको यश अरूकै हातमा जान सक्छ । आफ्नो मेहनतबाट अरूले फाइदा उठाउने चेष्टा गर्लान् । तापनि भविष्यका लागि विशेष काममा जग बसाउने मौका छ । विशिष्ट व्यक्तिहरूसँग मित्रता बढ्न सक्छ । साइनो गाँस्नेहरूबाट सजग रहनुहोला ।

कर्कट – अरूको काममा जुट्नुपरे पनि फाइदा आफैंलाई हुनेछ । टाढिएका साथीभाइ नजिकिनाले हर्ष बढ्नेछ । भाग्यले विभिन्न अवसर थमाउनेछ । काम देखाएर अरूको मन लोभ्याउन सकिनेछ । शुभचिन्तकहरूले साथ दिनाले पहिलेको चुनौती समाप्त होला । दाम, इनाम र प्रतिष्ठा कमाउने बेला छ । मेहनतले पदीय जिम्मेवारी दिलाउनेछ । धेरैले आफ्ना कामको तारिफ गर्नेछन् ।

सिंह – समयमै गम्भीर नबन्दा समस्या थपिन सक्छ । आफ्नै कमजोरीले इष्टमित्र टाढिन सक्छन् । हुल मुलमा धनमाल गु म्न सक्छ । खर्च बढ्नुका साथै अर्थ अभाव महसुस हुनेछ । अवसरको खोजीमा दौडधुप गर्नुपर्ला । आक्षेप लगाउनेहरू सक्रिय हुनेछन् भने सहयोग गर्नेहरू कमै भेटिनेछन् । फाइदाका पछि लाग्दा आत्मीय स म्ब न्ध बिग्रन सक्छ। उपचारमा खर्च हुने समय छ ।

कन्या – प्रयत्न गर्दा प्रशस्त फाइदा हुने दिन छ । उपहारले उत्साह जगाउनेछ । प्रेम र मित्रताको ब न्ध नले मन प्रसन्न रहनेछ। अतिथिको रूपमा सत्कार समेत प्राप्त हुनेछ । व्यवसायको सन्दर्भमा रमाइलो यात्रा हुन सक्छ । मनपर्ने भौतिक साधन जोड्ने समय छ । सुन्दर पहिरनमा ठाँटिएर व्यक्तित्व निखार्न सकिनेछ । एकपछि अर्को अवसर आउनाले मन प्रसन्न रहनेछ ।

तुला – समय संघर्षपूर्ण रहनेछ । हठ गर्ने बानीले दुःख पाइनेछ । परिस्थितिसँग केही सम्झौता गर्नुपरे पनि प्रयत्न गर्दा लक्ष्यमा पुग्न सकिनेछ । मेहनतले प्रतिस्पर्धाको दौड जिताउन सक्छ । अधिकार र प्रतिष्ठा जोगाउन सफल भइनेछ । भौतिक साधन जुट्नाले दिगो फाइदा हुने काम प्रारम्भ हुन सक्छ । लामो यात्राको प्रक्रिया अघि बढ्नेछ । शत्रु र प्रतिस्पर्धीलाई पनि हराउन सकिनेछ ।

बृश्चिक – कामले उत्साह जगाउनेछ । सुखद समाचार सुन्न पाइनेछ । स्वास्थ्य सबल रहनेछ । अवरोध बिस्तारै समाप्त हुनेछ । अध्ययनमा राम्रो प्रगति हुनेछ । हिम्मत गर्दा आफ्नै प्रतिभाले फाइदा दिलाउनेछ । बौद्धिक प्रतिस्पर्धामा विजयी भइनेछ । प्रतिष्ठित काम सम्पादन गर्ने मौका छ । साइनो गाँस्नेहरूबाट भने सतर्क रहनुहोला । काम देखाएर विशेष उपलब्धि हात पार्न सकिनेछ ।

धनु – मेहनत गर्दा विभिन्न अवसर प्राप्त हुनुका साथै दैनिकीमा परिवर्तन आउन सक्छ । हिम्मतले काम बनाउन सकिनेछ । प्रतिस्पर्धीहरूलाई पछि पार्ने समय छ। ईर्ष्या गर्नेहरूको मनोबल कमजोर हुनेछ । प्रयत्न गर्दा लक्ष्य प्राप्ति हुनेछ । अप्ठ्यारा काम पनि सम्पादन हुनेछन् । उपलब्धिले थप उत्साह जगाउनेछ । पहिले दु श्म नी गर्नेहरूले मित्रताका हात अघि बढाउलान् ।

मकर – परिस्थितिअनुसार चल्न नसक्ता दुःख पाइनेछ । सहयोगीहरूले पनि विपक्षीलाई साथ दिनाले काममा चुनौती देखिएलान् । आर्जित धन खर्च हुन सक्छ । पुरानो समस्याले केही झमेला आइलाग्न सक्छ । दाम्पत्यमा शंका र असमझदारी बढ्ने समय छ । तर आफ्नै प्रयासले लाभ मिल्न सक्छ । प्रतिस्पर्धीहरूबाट सजग रहनुहोला । पहिलेका कर्मको प्रतिफल पाइनेछ ।

कुम्भ – सहयोगीहरूले साथ दिनेछन् भने मेहनतले सम्मानित स्थान पनि दिलाउनेछ । बोलीको भरमा काम सम्पादन हुनेछ । विचारले धेरैलाई आकर्षण गर्ने बेला छ । पठन–पाठनमा प्रगति हुनेछ । विशेष सभा–समारोहमा सहभागी बन्ने मौका छ । आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ । पहिलेका कमजोरीलाई सुधार्ने अवसर प्राप्त हुनेछ ।

मीन – नयाँ कामको प्रस्ताव आउनेछ भने सहयोगीहरू प्रशस्तै भेटिनेछन् । बिछोडिएका परिवारजनसँग भेटघाट हुनेछ । रमाइलो जमघटका बीच स्वादिष्ट भोजनको आनन्द पाइएला । सुन्दर पहिरनले व्यक्तित्व निखार्दै नयाँ काम गर्ने अवसर प्राप्त हुनेछ । पहिलेको सफलताले थप हौसला जगाउनेछ । पहिलेका कमीकमजोरीलाई पनि सुधार गर्ने मौका छ । मनग्य धन आर्जन हुनेछ ।