बिग बसकी ट्यालेन्ट म्यानेजरको दुर्घटनामा मृ’त्यु, कार्यक्रमवाट सलमान खानसँग छुटेपछि सुटिगं सेट अगाडी नै भयो दु’र्घ’टना
एजेन्सी । भारतीय रियालिटी शो बिग बस १४ निकै चर्चित छ । सोही कार्यक्रमकी ट्यालेन्ट म्यानेजर पिस्ता धाकडको एक सडक दुर्घटनामा मृ’त्यु भएको छ ।
उनी कलर्स प्रोग्रामिङ टीमकी सदस्य थिइन् र बिग बसमा मुख्य असिस्टेन्ट कोओर्डिनेटरको रुपमा काम गरिरहेकी थिइन् । शुक्रबार राती उनको फिल्म सिटीमा दुर्घटना भयो जसका कारण उनको ज्यान गएको छ ।
आफ्नो दुइ पाङ्ग्रे सवारी साधनबाट उनी लडेको र एक भ्यानिटी भ्यान उनीमाथि चढेको बताइएको छ । एक स्रोतका अनुसार अँध्यारोका कारण दुर्घटना भएको हो ।
स्पटबोयको रिपोर्टलाई विश्वास गर्ने हो भने विकेन्डको वारको सुटिङ पछि यस्तो दुःखद घटना भएको हो ।
पिस्ताको कुरा गर्नुपर्दा उनी यो क्षेत्रा निकै लामो समयदेखि सक्रिय थिइन् र टिभी कम्पनी एन्डेमोल शाइन इन्डियासँग जोडिएकी थिइन् ।
उनी बिग बसमा मात्रै नभई अन्य टिभी शोकी हिस्सा पनि थिइन् । उनले फियर फ्याक्टर खतरोंका खिलाडी र द भोइसका लागि पनि काम गरिसकेकी छिन् ।
