२ वर्ष भित्र बृद्धभत्ता ५ हजार हुनेछ : माधव नेपाल

नेपाल कम्युनिष्ट पार्टी(नेकपा) दाहाल(नेपाल समूहका अध्यक्ष माधवकुमार नेपालले ज्येष्ठ नागरिकको सामाजिक सुरक्षा भत्ता पाँच हजार पुर्‍याउने बताएका छन्। भरतमोहन अधिकारी स्मृति फाउण्डेसन काठमाडौं र विष्णुमाया पुस्तकालय विराटनगरद्वारा आयोजित भरतमोहन अधिकारी दोस्रो स्मृति दिवसमा उनले यस्तो बताएका हुन्।

स्व अधिकारीले शुरुआत गरेको सामाजिक भत्ता दुई वर्षभित्र पाँच हजार पुर्‍याउने प्रतिवद्धता उनले जनाएका हुन्। तर पुस ५ मा प्रतिनिधिसभा विघटन भएसँगै नेता नेपालनिकट मन्त्रीहरु अहिले सरकार बाहिर रहेका छन्। नेता नेपालले यदि सरकारमा गएको खण्डमा उक्त कुरा गर्न सकिने बताएका हुन्।