बाँकेका यी क्रिकेट खेलाडी, ३ महिना अघिमात्रै बिहे गरेका थिए, सबैलाई रुवाउँदै सन्सारबाट बिदा भए

बाँकेको कोहलपुरमा भएको सडक दुर्घटनामा एक एथानीय क्रिकेट प्रेमी तथा खेलाडिको निधन भएको छ । उनको ३ महिना अघि मात्र बिवाह भएको थियो । दुर्घटनामा दुईजना घाइते भएका छन् ।

कोहलपुर नगरपालिका–३ किरणनाला नजिकै पूर्वपश्चिम राजमार्गमा बर्दियातर्फ जाँदै गरेको भे १ ख २२३९ नं को बस र कोहलपुरतर्फ आउँदै गरको भे १ प ५६१ नं को मोटरसाइकल एकआपसमा ठोकिएका थिए । सो घटनामा मोटरसाइकल चालक कोहलपुर नगरपालिका– ३ निवासी २५ वर्षीय वीरेन्द्र शाहीको मृत्यु भएको हो ।

जिल्ला ट्राफिक प्रहरी कार्यालय बाँकेका प्रमुख प्रहरी निरीक्षक राजु भण्डारीका अनुसार दुर्घटनामा परी घाइते भएका साइकल चालक छेडा नगरपालिका जाजरकोट निवासी प्रदीप आचार्यको अवस्था गम्भीर रहेको छ भने पैदलयात्री कोहलपुर ३ का १९ वर्षीय प्रकाश महतराको अवस्था सामान्य रहेको छ ।

घाइतेहरुको कोहलपुरस्थित शिक्षण अस्पतालमा उपचार भइरहेको छ । बस चालक फरार रहेका छन् । उनको मृत्यु पछि कोहलपुर चौराहामा गरिएको चक्काजाम गरिएको थियो भने किरण खोला नजिक जहाँ दुर्घटना भएको उक्त ठाउँमा टायर बालेर कारवाहीको माग गर्दै प्रदसन भएको थियो ।

शाहीको ३ महिना अघि मात्र बिवाह भएको थियो । उनि कोहलपुरका उदयीमान क्रिकेट खेलाडी थिए । उनको मृत्यु पछि आज कोहलपुर सोकमा डु बे को छ भने उनका साथीभाई आफन्तले उनको तस्विर फेसबुकमा राखी श्रद्धाञ्जली अर्पण गर्दै यो घटनाले निकै दुखि तुल्याएको बताएका छन् ।