थाइल्याण्डमा विमान दुर्घटना, पाँच चिनियाँ नागरिकसहित सात जनाको मृत्यु
थाइल्याण्ड,भदौ ७ । थाइल्याण्डको पूर्वीप्रान्त चाचोएङ्साओमा बिहीबार भएको विमान दुर्घटनामा पाँच चिनियाँ नागरिकसहित सात जनाको मृत्यु भएको छ ।
दुई पाइलट र सात यात्रु सवार चार्टर उडान दिउँसो करिव ३:१० बजे म्यानग्रोभ जङ्गलमा खसेपछि खोजी तथा उद्धार कार्य जारी छ । सात जनाको मृत्यु भएको पुष्टी भएको छ ।
स्थानीय समयअनुसार पूर्वी तटीय प्रान्त त्राटको यात्रा गर्ने क्रममा चाचोएङ्साओका गभर्नर चोन्लाटी याङ्ट्रोङले बताउनु भयो ।
थाइल्याण्डको नागरिक उड्डयन प्राधिकरणका अनुसार थाई फ्लाइङ सर्भिसद्वारा सञ्चालित सेस्ना कारभान सी२०८बी विमानको उडान टीएफटी २०९ राजधानी बैंककको सुवर्णभूमि विमानस्थलबाट उड्ने क्रममा एयर ट्राफिक कन्ट्रोल सेन्टरसँगको सम्पर्क टुटेको र राडारबाट बेपत्ता भएको थियो ।
