चलचित्र ‘बुलाकी’को ट्रेलर सार्वजनिक
काठमाण्डौं,साउन २१ । नेपाली कथानक चलचित्र ‘बुलाकी’को ट्रेलर सार्वजनिक भएको छ । सोमबार राजधानी को एक सिनेमा हलमा पत्रकारमाझ उक्त चलचित्रको ट्रेलर सार्वजनिक गरियो ।
चलचित्रले कर्णालीको गाउँघरमा भएको जातीय विभेद र समाजमा सय वर्ष लामो इतिहास बोकेको कथाले सन्तान जन्माउन नसक्ने समाजमा महिलाले भोग्नुपरेको पीडा र समाजबाट भोग्नुपरेका सबै क्रूरतालाई चित्रण गरिएको छ ।
परिवार भित्र सामना गर्नु परेको संघर्ष र विभिन्न भावनात्मक सम्बध र अत्याचारलाई छर्लङ्ग देखाएको छ । जस्लेगर्दा आम दर्शकहरुको मन जित्न सफल हुने छ ।
ट्रेलर सार्वजनिक कार्यक्रममा प्रमुख अतिथी पुर्व प्रधानमन्त्री एवंम् रक्षामन्त्री पूर्ण बहादुर खड्का,समाजसेवी चक्र बहादुर चन्द,बिशिष्ठ अतिथी लोक तथा दोहरी प्रतिष्ठानका पुर्व अध्यक्ष चन्द्र शर्मा लगायतले चलचित्रका पात्र र निर्माण टिम लाई शुभकामना दिनु भएको थियो ।
