चलचित्र ‘रावायण’ को ट्रिजर सार्वजनिक

काठमाण्डौं,साउन १८ । नायिका पूजा शर्माले निर्माण गरेको चलचित्र रावायणको ट्रिजर सार्वजनिक भएको छ । उक्त चलचित्रमा नायक पल शाह, पूजा शर्मा र प्रियांका कार्की र प्रमोद आग्रहरीको प्रमुख भूमिका रहेको छ । १ मिनट २० सेकेण्डको ट्रिजरमा एक्सन लाई प्राथमिकता दिंदै साहिल खानले ट्रिजरलाई सम्पादन गरेका छन् । यस चलचित्रमा नायक पल शाहको फरक भूमिका रहेको देख्न पाइने नायक पलले पत्रकार माझ बताए त्यस्तै नायिका पूजा शर्माले ‘अब चलचित्र रोएर नचलाउने र पल शाह साथमा भएपछी आफु चलचित्र चल्नेमा ढुक्क भएको छु’ भनिन् ।

पूजा शर्मा सँग चलचित्रमा र यो टिम सँग जोडीन पाउँदा आफु पनि खुशी रहेको नायक शाहले बताए । ‘धेरै मेहनत गरेर यो प्रोडक्सनलाई यहाँ सम्म ल्याएकी छौ यसलाई सम्भालेर राख्नु मेरो शुभकामना छ ।’ भन्दै नायिका पूजालाई शुभकामना दिए । त्यस्तै निर्देशक सुदर्शन थापाले ‘सँधै प्रेमकथामा आधारित चलचित्र बनाइरहेको हुँदा यस पटक द्वन्दप्रधान चलचित्र बनाइ दर्शक माझ फरक स्वाद लिएर आएको छु आशा छ अवस्य मनपराउनु हुने छ ।’ भने

चलचित्रलाई पूजा शर्माले निर्माण गरेकी हुन भने,सुदर्शन थापाले निर्देशन गरेका छन् । त्यस्तै चलचित्रमा श्याम अधिकारीको कथा,प्रदीप श्रीवास्तवको पटकथा,सौरभ लामाको छायांकन र मिलन श्रेष्ठको सम्पादन रहेको छ । चलचित्र भदौ २१ गते बाट देशभरका सिनेमा घरमा प्रदर्शन हुनेछ ।