नेपाललाई १३ स्वर्ण र ९ रजत पदक

सिंगापुर,साउन १६ । छैठौ सिंगापुर अन्तर्राष्ट्रिय उसु च्याम्पियनशिप(फेस्टिवल) मा १३ स्वर्ण र ९ रजत सहित टिम दोस्रो भई स्वदेश फर्किएका खेलाडीहरुलाई राष्ट्रिय खेलकुद परिषद्ले सम्मान गरेको छ । परिषद्का निमित्त सदस्य सचिव अन्जन धमलाले खेलाडीहरुलाई बधाई दिनु भएको हो । प्रशिक्षक विशाल थापाको नेतृत्वमा १२ जनाको टोली सिंगापुर गएको थियो । च्याम्पियनशिपमा थापाले उत्कृष्ट प्रशिक्षकको पुरस्कार प्राप्त गर्नुभएको छ ।

खेलाडीहरुलाई बाधाई दिनु हुदै धमलाले खेलाडीहरुको उच्च प्रर्दशनले नेपाली शान बढेको बताउनुभयो ।

विभिन्न विधामा खेलाडीहरु अलिस मारिकले ३ र हिमांशु खड्काले २ वटा स्वर्ण ल्याएका छन भने, सफल पाठक, भावेश खड्का, समिर बस्नेत, रिदम गोलेले १-१ वटा स्वर्ण पदक प्राप्त गरेका छन् । यस्तै वविता थापामगरले २, अपेक्षा लामा र यान्चेन्ला इलावाले एक-एक स्वर्ण प्राप्त गरेको प्रशिक्षक विशाल थापाले जानकारी दिएका छन् ।
यस्तै सफल पाठक, समिर बस्नेत,रिदम गोलेले १÷१ रजत पदक प्राप्त गर्न सफल भएका हुन ।

यस्तै सेरिना पराजुली र फुर्पीग्याल्मो तामाङले २÷२ तथा यान्चेन्ला इलावा र गु्रप इभेन्टमा १÷१ रजत पदक प्राप्त भएको उसु महासंघका महासचिव नवराज ढूंगानाले जनाकारी दिनु भएको हो ।