बबिना भट्टराईको स्वर तथा संगीतमा अनु विज्ञातीको प्रेमिल गीत ‘आभास’ सार्वजानिक
काठमाण्डौं,असार १४ गते । गीतकार अनु विज्ञाती को ‘आभास’ बोलको गीत सार्वजनिक भएको छ ।
पछिल्लो समय विभिन्न सुमधुर गीत, गजल, भजन सहित नेपाली सुगम संगीतमा छाइरहेकी चर्चित गायिका बबिना भट्टराईको स्वर तथा संगीत रहेको छ ।
इमेज एफ.एम. ९७.९ को प्रस्तुति ‘न्यु एण्ड फ्रेस’ मा अडियो सार्वजानिक भए लगत्तै बबिना भट्टराईको अफिसियल युटुव च्यानल मार्फत भिडियो सहित सार्वजनिक गरिएको हो ।
उक्त गीतको एरेन्ज सञ्जय श्रीपालले गरेका छन् भने मिक्सिङ र मास्टरिङ प्रकाश खरेलको रहेको छ ।
म्युजिक नेपालको स्टुडियोमा नकुल कार्की र अनिल अधिकारीले रेकर्ड गरेका उक्त गीतको भिडियो जस्केलो क्रियशनद्धारा निर्माण गरिएको हो ।
गीतको भिडियोमा बबिना आफैले गरेकी छिन् । जस्केलो क्रियशनको तारतम्यमा प्रकृतिको सुन्दर स्थलमा छायाकंन गरिएको भिडियोमा यमुना पाण्डेको श्रृङ्गार कलाले सजिदै बबिनाले अनु बिज्ञातीका शब्दका भावहरु, संगीतको झंकार अनि आफ्नै स्वरको भाव भिडियोमा सर्लक्क उतारेकी छिन् । हेर्नुहोस् भिडियो : –
