कुरिनटारमा नयाँ दिगो ई–स्टप सञ्चालन
काठमाण्डौं,असार ४ । विद्युतीय सवारीको प्रयोग बढेसँगै दिगो ग्रुपले चितवनको कुरिनटारमा नयाँ दिगो ई–स्टप सञ्चालन गरेको छ ।
यो नेपालका राजमार्गमा उपलब्धमध्ये सबैभन्दा ठूलो चार्जिङ स्टेसन रहेको दिगो ग्रुपको दाबी छ ।
यहाँ चार्जिङ स्टेसनसहित अन्य सेवासुविधा पनि छन् । परिवारमैत्री रेस्टुरेन्ट, द्रुत गतिको इन्टरनेट सेवा उपलब्ध हुने दिगो ग्रुपका अध्यक्ष राजन रायमाझीले जनाए ।
लामो दूरीको यातायातमा यात्रुहरूले सुविधाजनक खानपान, शौचालय आदि उपभोग गर्न नपाइरहेको पृष्ठभूमिमा दिगो ग्रुपले राजमार्गमा यस किसिमको सेवा विस्तार गरेको बताएको छ ।
