युरो सहित नेपाली नागरिक पक्राउ
काठमाण्डौं,माघ ४ । मंगलबार फ्लाई दुबईको उडानद्वारा काठमाण्डौंबाट दुवई हुँदै क्रोसिया जान लागेका २२ जनालाई भन्सार प्रहरी ले पक्राउ गरेको छ । माघ ३ गते मंगलबार उनीहरु दुबइ हुँदै क्रोसिया जान लागेको अवस्थामा यात्रुहरुलाई त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान ह्याण्ड ब्यागेज चेकिङ एरियमा स्क्रीनिङ गर्ने क्रममा साथबाट युरो नगद सहित फेला परेको हो ।
यात्रुहरुको राहदानी चेकजाँच गर्दा उल्लेखित परिमाणको रकमको दरपिट गरेको नदेखिएकोले सोधपुछ गर्दा पदम बहादुर विश्वकर्माले पठाएको हो भनी खुलाए पछी पदम बहादुर विश्वकर्मालाई समेत त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान गेटको बाहिर पट्टीबाट नियन्त्रणमा लिई चेकजाँच गर्दा नेपाली रुपैयाँ १००० दरको थान- १२० ले जम्मा ने.रु.१,२०,०००।– (एक लाख बीस हजार मात्र) फेला परेको प्रहरी स्रोत ले जनाएको छ ।
आवश्यक अनुसन्धान एवं कानूनी कारबाहीको लागि राजश्व अनुसन्धान विभाग, हरिहरभवन पुल्चोक, ललितपुर पठाइएको बिमानस्थल भन्सार बिभागले जनाएको छ ।
