नगर प्रहरीको भत्ता दैनिक पाँच सयका दरले बढ्यो
काठमाण्डौं,भदौ १३ । काठमाडौं महानगरपालिकाले नगर प्रहरीको भत्ता बढाएको छ ।
आइतबार बसेको काठमाडौं महानगर कार्यपालिकाको बैठकले नगर प्रहरीलाई खाना र खाजाबापत दैनिक पाँच सय रुपैयाँ भत्ता दिने निणर्य गरेको हो ।
महानगरमा अनाधिकृत रुपमा निमार्ण भएको संरचना भत्काउन महानगरले नगर प्रहरीलाई दैनिक पाँच सय रुपैयाँ भत्ता दिने प्रस्ताव पेस भएको हो ।
यस भन्दा अघि नगर प्रहरीले दैनिक तीन सय रुपैयाँ भत्ता उपलब्ध गराउँदै आएको थियो ।
महानगर प्रमुख बालेन साहले नगर प्रहरीको भत्ताबापतको रकम वृद्धिको प्रस्ताव पेस गर्न महानगरको प्रशासन प्रमुखलाई निर्देशन दिएका हुन् ।
