अभिनेता राजकुमारले भनेको त्यो शब्द मृ त्युको अन्तिम समयमा पनि भुलेनन् बप्पी लहरीले, बिझाएको थियो मनमा
काठमाडौं । बलिउडका प्रख्यात संगीकार बप्पी लहरीको मंगलबार बेलुका ११ बजे ६९ वर्षको उमेरमा निधन भएको छ । उनले मुम्बईको जुहूस्थित क्रिटी केयर अस्पतालमा अन्तिम श्वास फेरे ।
स्वास्थ्यमा समस्या देखिएपछि उनलाई मंगलबारनै अस्पताल भर्ना गरिएको थियो । बलिउडमा ‘बप्पी दा’ भनेर चिनिने उनी संगीतकारसँगै कुशल गायक पनि थिए । उनी लोकप्रिय हुने अर्को कारण उनले लगाउने सुनका गहना पनि थियो । त्यहीकारण उनलाई ‘भारतको गोल्डमेन’ भनिन्थ्यो ।
राजकुमारले भनेका थिए( मंगलसूत्र पनि लगाउनु पर्थ्यो
बप्पीले सुन लगाएको देखेर एकपटक अभिनेता राजकुमारले उनको मजाक उडाएका थिए । यो किस्सा एक पार्टीको हो । एक पार्टीमा संगीतकार बप्पीको भेट अभिनेता राजकुमारसँग भएको थियो । आफ्नो पुरानो बानी अनुरुप बप्पी सुनका धेरै गहना लगाएर त्यहाँ पुगेका थिए ।
त्यही समयमा राजकुमारले बप्पीलाई तलदेखि माथिसम्म हेरेका थिए । उनले आफ्नै शैलीमा सोधे–वाह, शानदार १ एक से एक गहना लगाएका छौँ । मात्र मंगलसूत्रको कमी रह्यो । त्यो पनि लगाउनुपथ्र्यो । यो सुनेपछि बप्पी हेरेको हेरेकै भएका थिए ।
माइकल ज्याक्सन थिए बप्पीका फ्यान
केही वर्षअघि बप्पी ‘द कपिल शर्मा शो’मा पाहुनाका रुपमा आएका थिए । त्यहाँ उनले आफूले गलामा भगवान गणेशको सुनको लकेट लगाएको देखेर विश्वविख्यात माइकल ज्याक्सनले तारिफ गरेको बताएका थिए । ‘एक कार्यक्रममा जब माइकल ज्याक्सनसँग भेट भयो, उनले मेरो गलामा भगवान गणेशको लकेट देखे । अनि ‘फेन्टाष्टिक, यो निकै सुन्दर छ’ उनले भने, ‘उनले मेरो गीत ‘जिम्मी जिम्मी’को पनि तारिफ गरेका थिए ।’
