२९ वर्षपछि शिल्पा शेट्टी फेरि त्यहीँ पुगिन् जहाँबाट उनले आफ्नो करियर सुरु गरेकी थिइन्
एजेन्सी । अभिनेत्री शिल्पा शेट्टी उद्योगमा आएको झण्डै ३० वर्ष भइसकेको छ । शिल्पाले बलियो फ्यान फलोइङ बनाएकी छिन् र हरेक स्टाइलले फ्यानलाई प्रभावित पारेकी छिन् । उनी सबै आफ्ना गतिविधि सामाजिक सञ्जालमा सार्वजनिक गर्छिन् ।
अहिले चलचित्रमा कम देखिने भएपनि सानो पर्दामा भने निकै सक्रिय छिन् । उनी हाल इन्डियाज गट ट्यालेन्टसँग आबद्ध छिन् । हालै शिल्पासँग एउटा अनौठो संयोग भयो र उनले यसबारे आफ्ना फ्यानलाई पनि सुनाइन् । शिल्पा यो अनौठो संयोगवाट निकै खुसी भएकी छन् । त्यो खुसी उनले आफ्ना फ्यानलाई सुनाएकी हुन् ।
शिल्पा शेट्टीको खुशीको सीमा रहेन
शोको प्रोमो भिडियोमा शिल्पा शेट्टी निकै खुसी देखिएकी छिन् । उनको खुशीको कारण भनेकी नायिका एकपटक फेरि त्यही ठाउँमा पुगेकी छिन्, जहाँबाट उनको करियर सुरु भएको थियो । उनी २९ वर्ष पहिलो आफ्नो करियर सुरु गरेकै ठाउँमा पुगेकी छन् ।
अर्थात् इन्डियाज गट ट्यालेन्टको छायाँकन त्यही ठाउँमा भइरहेको छ जहाँ शिल्पाले फिल्म बाजीगरको छायाँकन गरेकी थिइन् । भिडियोमा शिल्पाले भनिरहेकी छिन्– ‘मैले २९ वर्षअघि यही ठाउँबाट करियर सुरु गरेकी थिएँ र अहिले इन्डियाज गट ट्यालेन्टको छायाँकनका लागि यही ठाउँमा फर्किएको छु ।
उनले क्याप्सनमा लेखेका छन्– संसार गोलो छ र धेरै अचम्मका हिसाबले यो सत्य पनि साबित हुन्छ । मैले मेरो पहिलो फिल्म बाजीगरको छायाँकन यही ठाउँमा गरेँ र जीवनको पहिलो सु ट यहीँ गरेँ । इन्डियाज गट ट्यालेन्टको लागि छायाँकन गर्न पाउनु मेरो लागि निकै नोस्टाल्जिक थियो । म खुसी छु कि मैले उद्योगमा यति लामो यात्रा गरेको छु र अब यहीँबाट म इन्डिया गट ट्यालेन्ट बाट नयाँ सुरुवात गर्न गइरहेको छु।
काजोलको करियर पनि सुरु भयो
शिल्पाले जुन ठाउँको कुरा गरिरहेकी छिन् त्यो फिल्म सिटीको हेलिप्याड हो । यहीँ उनले फिल्म बाजीगरको छायाँकन गरेका थिए । फिल्ममा उनको साथमा काजोल र शाहरुख खान थिए । काजोलको यो पहिलो फिल्म पनि थियो ।
