मुख्यमन्त्री पाण्डे भन्छन्, ‘इसाइहरुका लागि चिहान खोजिदिन्छु, क्रिश्चियन धर्मप्रचारकलाई जेल हाल्न पाइन्न’
काठमाडौ । नेपालमा धर्म परिवर्तन गराउनु वर्जित छ । कसैलाई प्रलोभनमा पारेर धर्म परिवर्तन गराएको भेटिए जेल सजाय हुन्छ । त्यही कानुनको आधारमा क्रिश्चियन धर्मप्रचारक केशव आचार्यलाई जिल्ला अदालत जुम्लाले २ वर्षको जेल सजाय तोकेको छ । कानुनले वर्जित गरेको काम गरेका कारण जेल सजाय सुनाइएका केशवको पक्षमा बागमती प्रदेशका मुख्यमन्त्री राजेन्द्र पाण्डेले पहल गर्ने भएका छन् ।
उनी केशवलाई जेल सजाय भएकोमा आ क्रो शित भएका छन् । उनले धर्म परिवर्तन गराएकै कारण जेल हालिनु लोकतन्त्र विरोधी कदम भएको बताएका छन् । नेपाल ख्रिष्ट्रियन समाज बागमती प्रदेश र मकवानपुर इसाई समाजको ख्रिष्टमस शुभकामना आदानप्रदान कार्यक्रममा सहभागी भएका मुख्यमन्त्रीले यस्तो भनेका हुन् ।
‘जनताको ठूलो त्यागबाट गणतन्त्र र धर्म निरपेक्ष राष्ट्र निर्माण भएको छु, उनले भने, धर्म परिर्वतन गरेको भनेर जेल हाल्नु सरासर गलत हो, यो लोकतन्त्रविरोधी कदम हो। पाण्डेले यसबारे बागमती सरकार गम्भीर रहेको पनि बताए । आफुले यसवारेमा केन्द्रीय सरकारमा आवाज उठाउने प्रतिवद्धता पनि जनाए ।
उनले इसाईहरूका लागि चिहान बनाउने स्थान पनि खोजिदिने बताएका छन्। ‘इसाईहरुलाई चिहान अभावको विषयमा प्रदेश सरकार गम्भीर छु, उनले भने, ुयो समस्या चाँडै हल हुनेछ।’