डा। केसीले दिए ओलीलाई ‘श्री ७ महाराज’ को संज्ञा
काठमाडौँ । चिकित्सक क्षेत्र सुधारका अभियन्ता डा। गोविन्द केसीले संसद विघटन गरेर सरकारले निरंकुश काम गरेको आुरोप लगाएका छन् ।
प्रतिनिधिसभा विघटनको विरुद्धमा नागरिक अगुवाहरुले शनिबार काठमाडौंमा आयोजना गरेको विरोध प्रदर्शनमा सहभागी हुन पुगेका डा केसीले जनताको संघर्षबाट ल्याएको संविधानको रक्षा गर्नु मतदाताको कर्तव्य भएको बताए ।
उनले संविधानले नदिएको अधिकार प्रयोग गरी संसद विघटन गर्ने प्रधानमन्त्री केपी शर्मा ओलीको शैली ’श्री ७’ महाराजको जस्तो भएको टिप्पणी गरे ।
डा केसीले प्रधानमन्त्री, राष्ट्रपति, मन्त्री कोही पनि नभई संविधान सर्वोपरी भएकाले त्यसको पालना नभए जनता सडकमा आउनुपर्ने जिकिर गरे । संसद् विघटनको मुद्दा सर्वोच्चमा रहेको र त्यहाँबाट ओलीको कदमलाई रोक्ने आशन रहेको डा। केसीले बताए ।
कार्यक्रममा नागरिक अगुवाहरुले प्रधानमन्त्री ओलीको कदम असंवैधानिक भएको भन्दै नागरिक सचेत हुनुपर्ने बेला आएको धारणा राखेका थिए ।
