आइपीएल क्रिकेट : मुम्बई प्ले अफमा पुग्ने तेस्रो टोली

83

काठमाडौं, १९ बैशाख । एजेन्सी – सुपर ओभरमा सनराईजर्स हैदरावादलाई हराउँदै मुम्बई इन्डियन्स भारतमा जारी इन्डियन प्रिमियर लिग (आइपीएल) क्रिकेटको प्ले अफमा पुगेको छ । वान्खाडे क्रिकेट स्टेडियममा बिहीबार राति मुम्बईले दिएको एक सय ६३ रनको लक्ष्य पछ्याएको हैदरावादले २० ओभरमा ६ विकेटको क्षतिमा एक सय ६२ रन जोड्दै बराबरी गरेपछि खेल सुपर ओभरमा गएको थियो ।

सुपर ओभरमा हैदरावादले दुई विकेट गुमाएर आठ रन बनायो । ९ रनको लक्ष्य पाएको मुम्बईले तीन बलमा विना विकेटको क्षतिम लक्ष्य पूरा गरेको थियो । सुपर ओभरमा मुम्बईका हार्दिक पाण्डेले राशिद खानको बलमा एक छक्का हानेका थिए ।

सुपर ओभरमा जानुअघि हैदरावादका मनिस पाण्डेले अविजित ७१ रन बनाए । मोहमद नाबीले ३१, रिद्दिमान साहले २५, मार्टिन गुप्टिलले १५ र विजय शंकररन बनाए । मुम्बईका जस्प्रित बुम्राह, हार्दिक पाण्डया र कुर्नाल पाण्डयाले दुई दुई विकेट लिए ।

यसअघि टस जितेर पहिले ब्याटिङ गरेको मुम्बईले २० ओभरमा पाँच विकेटको क्षतिमा एक ६२ रन बनाएको थियो । मुम्बईका लागि क्विनटन डी ककले अविजित ६९ रन बनाए । कप्तान रोहित शर्माले २४, सूर्यकुमार यादवले २३ र हार्दिक पाण्डयाले १८ रन बनाए । हैदरावादका खलिल अहमेदले ३ विकेट लिए । भुवनेश्वर कुमार र मोहमद नावीले एक एक विकेट लिए ।

जितसँगै दोस्रो स्थानमा उक्लिएको मुम्बईले १३ खेलबाट १६ अंक जोडेको छ । चौंथो स्थानको हैदरावादको १३ खेलबाट १२ अंक छ । मुम्बई प्ले अफमा पुग्ने तेस्रो टोली बनेको छ । चेन्नई सुपर किंग्स र दिल्ली क्यापिटल्स यसअघि नै प्ले अफ पुगेका छन् । हैदरावादको पनि प्ले अफमा पुग्ने सम्भावना छ ।

एक उत्तर छोड्न

Please enter your comment!
कृपया तपाईको पूरा नाम राख्नुहोस्